Cun l'arriv da temperaturas estivalas, las SBB infurmeschan puspè ils viagiaders davart la climatisaziun dals trens tras lur purschidas digitalas.
Per pussibilitar in viadi pli agreabel durant la stad, mussan las SBB er quest onn en lur urari digital, tge trens ch'èn senza climatisaziun. Dals 1 da zercladur fin ils 30 da settember cumpara en l'app ed sin la pagina d'internet da las SBB in simbol da termometer tar ils trens correspundents.
Sco che la pledadra da las SBB, Mara Zenhäusern, declera, ha questa funcziun, ch'è vegnida introducida il 2024, sa cumprovada sco agid per la transparanza. En la pratica èsi dentant rarit da chattar trens senza climatisaziun: radund 98 pertschient da la flotta da las SBB èn climatisads. Ils paucs trens betg climatisads èn per gronda part vegl material rodant.
Actualmain èn radund 9.100 climatisaziuns en funcziun en ils trens da las SBB, quai che garantescha in viadi confortabel er durant dis da chalur extrema.
